Gerhardus Comes de Kanitz - Vicipaedia
Gerhardus Comes de (Theod. Gerhard Graf von) Kanitz (natus 9 Aprilis 1885 oppido Podangen (Borussia Orientalis), mortuus 15 Iunii 1949 Francofurti) vir publicus Germaniae factionis Factionis Theodiscae Nationalis Popularis (DNVP) et postea Factionis Theodiscae Popularis (DVP) erat.
Pater eius fundum possidebat et vir publicus fuit. Ipse post maturitatem Regiomontii acceptam miles eruditus est et ab anno 1904 dux militum in Borussia Orientali erat. Anno 1913 fundum patruum accepit. Bello Orbis Terrarum I interfuit et post bellum finitum praeses foederis ruris patriae suae fuit.
Kanitz ab anno 1912 maritus erat et filias tres habuit.
Anno 1918 sodalis DNVP erat. Annis 1919 - 1921 legatus consilii ad rem publicam Borussiae constituendam erat, 7 Martii 1921 in Dietam Imperii Germanici suffectus est. Anno 1923 factionem DNVP et mense Maio 1924 Dietam Imperii reliquit. 6 Octobris 1923 Administer Imperii Victus et Agriculturae nominatus est et ad 20 Ianuarii 1925 diversis in consiliis ministrorum mansit. Annis 1928 - 1932 pro factione DVP legatus senatus terrae Borussiae fuit.
Consilium Ministrorum Stresemann II (6 Octobris 1923 - 30 Novembris 1923)
Consilium Ministrorum Marx I (30 Novembris 1923 - 26 Maii 1924)
Consilium Ministrorum Marx II (3 Iunii 1924 - 15 Decembris 1924)
Consilium Ministrorum Luther I (15 Ianuarii 1925 - 5 Decembris 1925)