Herbipolis - Vicipaedia

Herbipolis sive Artaunum^[1] (Germanice Würzburg), sita ad fluvium Moenum, est urbs et caput Franconiae Inferioris. Quinta est inter magnas urbes Bavaricas; hodie ei sunt incolae iuxta 130 000. Etiam est caput Catholicae Romanae Dioecesis Herbipolitanae. Urbes maiores propinquae sunt Francofurti ad Moenum (circa 120 chiliometra), Norimberga (circa 115 chiliometra), et Stuttgartum (circa 140 chiliometra). Anno 2004, Herbipolis anniversarium suum millesimum trecentesimum concelebravit.

Herbipolis est divisa ab fluvio Moeno in partes binas, in quarum occidentali castellum in Monte Mariae ("Marienberg") situm est. Cincta est urbs pago terrestri, qui etiam Herbipolis appellatur.

Anno 689, missionarii Kilianus, Colonatus, et Totnanus incolas ad Christianitatem convertere coeperunt. Primum in documenta de eo mentionem facta erat die 1 Maii 704. Circa annos 741 vel 742 Dioecesis Herbipolitana cum Praelato Burkardo condita esse putatur. Circa annum 1000, castellum celticum attestatum est. Anno 1402, universitas Herbipolensis condita est. Inter Bellum tricennale die 18 Octobris 1631 copiae Sueciae Gustavo II Adolpho rege Herbipolim expugnaverunt.

Herbipoli olim vixerunt aut nati sunt et hodie vivunt homines infra perscripti:

• Eduardus Rosenthal, iuris consultus et historicus
• Iosephus Neckermann (1912–1992), magister officinarum et athleta, i.e. eques condocefaciens
• Luitpoldus (1821–1912), vicarius regis Bavariae
• Matthias Grünewald, pictor
• Thomas Bach (1952)
• Waltraud Meier (* 1956), supranus operaticus

• Laurentius Fries (1489–1550), cancellarius et consiliarius episcopalis Herbipolis et rerum gestarum scriptor
• Ioannes Henricus Bauer (1908–2005), vir rerum politicarum peritus Theodiscus factionis SPD