Olybrius - Vicipaedia

Anicius Olybrius (Romae natus die ignoto - obiit anno 472) fuit consul anno 464 et imperator imperii Romani parte ad occidentem solem vergenti a mense Martio aut Aprilis usque ad mensem Octobrem aut Novembrem 472.

Olybrius origine praeclarus fuit, nam Anicii erant familia senatorum nobilissima. Anno 455, postquam Geisericus Vandalorum rex Romam expugnavit, Constantinopolim fugit, ubi 464 consulatus honorem suscepit. Placidiam filiam Valentiniani III in matrimonium duxit, e quo unam filiam habuit, Iulianam Aniciam, cum Geisericus rex Vandalorum sororem Placidiae uxorem accepit. Itaque rex Vandalorum Libio Severo anno 465 mortuo Olybrium imperatorem per occidentem postulavit. Sed Leo I imperator orientalis Anthemium praetulit et 467 imperatorem fecit. Anno 472, cum Anthemius et Ricimerius magister militum de imperio bellum moverent, Leo imperator Olybrium Romam misit, ut discordiam finiret.

Sed, ubi mense Aprili anni 472 Romam advenit, statim 12 Aprilis a Ricimerio magistro militum imperatorem proclamatus est contra Anthemium, qui 11 Iulii caesus est, postquam copiae Ricimerii Romam expugnaverunt. 19 Augusti eiusdem anni Ricimerius mortem obiit, cui filius Gundobadus magister militum successit. Is re vera Romae regnavit, Leo I autem, imperator orientis numquam Olybrium imperatorem occidentis probavit. Olybrius autem mense Novembri mortem obiit.

• De Olybrio in "De Imperatoribus Romanis" (pagina Anglice scripta a Radulpho W. Mathisen)