Urbis et orbis - Vicipaedia
Urbis et orbis (gen.) atque "urbi et orbi" (dat.) sunt locutiones quibus exprimitur universalis urbis Romae aut ecclesiae Romanae potestas.
His verbis primus ut videtur Ovidius usus est, qui de imperio populi Romani sic libro secundo Fastorum cantavit:
- Gentibus est aliis tellus data limite certo:
- Romanae spatium est urbis et orbis idem.[1]
Anno circiter 355 Neratius Cerealis praefectus urbi Romae in Foro Romano statuam erexit imperatori Constantio II, restitutori urbis Romae adque orb[is], et extinctori pestiferae tyrannidis (scil. usurpationis Magnentii).[2]
Inscriptio inter portas binas Basilicae Lateranensis haec verba monstrat: "Sacros[ancta] Lateran[ensis] eccles[ia] omnium urbis et orbis ecclesiarum mater et caput."
Imperator Fridericus I anno 1157 se gubernationem "urbis et orbis" tenere proclamavit.[3] Benedictio urbi et orbi a papa, episcopo Sanctae Romanae ecclesiae ("urbi") et pastore universali ("orbi"), nuntiata est in sollemnitatibus maximis, id est Christi Natali et Paschis.
- ↑ Publius Ovidius Naso, Fasti 2.683-684
- ↑ CIL VI 1158
- ↑ Monumenta Germaniae historica ~ Constitutiones vol. 1 p. 224
Eget haec commentatio nexum Wikidata. Quem adde si potes.