Isoe Baleari - Wikipedia
| Îzoe Baleâri comunitæ outònoma | ||
|---|---|---|
| (CA) Comunitat Autònoma de les Illes Balears (ES) Comunidad Autónoma de las Islas Baleares | ||
| ||
.jpg) | ||
| Localizaçión | ||
| Stâto |  Spàgna
| |
| Aministraçión | ||
| Capolêugo |  Pàrma de Maiòrca
| |
| Prescidénte | Mae de la Concha (PSOE) da-o 19-06-2023 | |
| Dæta de instituçión | 1º de màrso do 1983 | |
| Teritöio | ||
| Coordinæ: do capolêugo | 39°30′N 3°00′E | |
| Superfìcce | 4 992 km² | |
| Abitanti | 1 176 254[1] (2022) | |
| Denscitæ | 235,63 ab./km² | |
| Provìnse | 1 | |
| Comùn | 67 | |
| Âtre informaçioìn | ||
| Léngoe | Catalàn, Spagnòllo | |
| Fûzo oràrio | Fuso orario mancànte (man) | |
| ISO 3166-2 | IB | |
| Nomme abitanti | (ca) baleàric ò balear (es) balear ò baleárico/a | |
| PIL | (nominâle) 30.321 mln de €[2] | |
| PIL procapite | (nominâle) 24.866 €[2] | |
| Raprezentànsa parlamentâre | 8 congrescìsti, 7 senatoî | |
| Cartògrafîa | ||
.svg) | ||
 | ||
| Scîto instituçionâle | ||
| Wikidata · Info |
E Îzoe Baleâri (Illes Balears in catalàn e ofiçialménte[3], Islas Baleares in spagnòllo) són 'na comunitæ outònoma da Spàgna de 'na sôla provìnsa, formâ da-e îzoe de l'arçipélago co-o mæximo nómme. Són scitoæ into Mâ Mediterànio, in fàccia a-a còsta de levànte da Penîzoa Ibérica. A capitâle a l'é a Pàrma de Maiòrca e a sò popolaçión a l'é, a-o 2022, de 1.176.254 abitànti[1].
L'arçipélago o l'é formòu de doî grùppi de îzoe e bén bén de izoöti ciù picìn, sàiva a dî e îzoe Gimnèsies (Maiòrca, Menòrca, Cabrêra e di îzoöti d'in gîo cómme Dragonera, l'Îzoa di Conìggi, l'Îzoa de l'Âia o l'Îzoa de Colom, de propiêtæ privâ) e-e îzoe Pitiüses (Ibîza e Formentêa ciù i îzoöti de Espalmador, de propiêtæ privâ, e de Espardell).
L'arcipélago de Îzoe Baleâri o conprénde, in particolâ, e îzoe de Maiòrca, Cabrêra, Menòrca, Ibîza e Formentêa. A sò superfìcce totâle a l'é de 4992 km² e o se svilùppa da-o livéllo do mâ scìnn-a 1.445 m d'artèssa co-o Puig Major, inta Serra de Tramuntana de Maiòrca. L'arçipélago o l'é do tùtto conpréizo tra e cordinæ 40º5'48' N e 38º40'30' N de latitùdine e 1º12'47' E e 4º19' E de longitùdine. Ibîza a l'é separâ da-a còsta da Comunitæ Valençiànn-a da 75 km de mâ, a mæxima distànsa ch'a gh'é tra Maiòrca e Ibîza. A distànsa mìnima tra e îzoe de Maiòrca e Menòrca a l'é de 35 km. L'îzoa ciù vixìnn-a a-o continénte eoropêo, sénsa consciderâ a Penîzoa Ibérica, a l'é quélla de Menòrca, separâ da-a Frànsa sôlo da-o Górfo do Lión, méntre Ibîza e Formentêa són e dôe îzoe ciù vixìnn-e a-o continénte africàn.
Tra e îzoe gh'é de bèlle diferénse de natûa e paizàggi: Menòrca e Maiòrca són ciù rìcche de ciànte, con di bòschi d'oîvi sarvæghi e d'èrxi, e de bèstie, spécce de mamìferi, gràçie a-o sò clìmma ciù frésco e ùmido. Pe cóntra, Ibîza e Formentêa gh'àn 'n clìmma ciù sécco, co-ina vegetaçión che no gh'à goæi de bezéugno d'ægoa, cómme pìn, ciànte gràsse e zenéivi, e 'na fòuna ch'a l'é formâ sorviatùtto de öxélli.
| Îzoa | Poxiçión | Màppa | Bandêa | Superfìcce (km²) | Popolaçión |
| Menòrca | 
|
|
|
696,73 | 91 920 |
| Maiòrca | 
|
|
|
3639,99 | 880 113 |
| Cabrêra | 
|
|
|
15,61 | 20 |
| Ibîza | 
|
|
|
571,01 | 144 659 |
| Formentêa | 
|
|
|
83,27 | 12 216 |
- ↑ 1,0 1,1 (ES) Población inscrita en el Padrón Continuo por comunidades y ciudades autónomas (PDF), INE.
- ↑ 2,0 2,1 (ES) PIB de las Islas Baleares, in sce datosmacro.expansion.com. URL consultòu o 6 lùggio 2023.
- ↑ (ES) Ley Orgánica 1/2007, de 28 de febrero, de reforma del Estatuto de Autonomía de las Illes Balears, artículo 4 - La lengua propia, in sce boe.es, 1º màrso 2007. URL consultòu o 6 lùggio 2023.
Wikimedia Commons a contêgne di files in sce Isoe Baleari
- (CA, ES) Scîto ofiçiâ, in sce caib.es. URL consultòu o 6 lùggio 2023.
- (CA, ES, EN, DE) Scîto turìstico ofiçiâ, in sce illesbalears.travel. URL consultòu o 6 lùggio 2023.
- (ES) Comùn de Îzoe Baleâri, in sce portalpueblos.com. URL consultòu o 6 lùggio 2023.
| Comunitæ outònome da Spàgna | |
|---|---|
| Comunitæ outònome |  Andalózia ·  Aragónn-a ·  Astùrie ·  Cantàbria ·  Castìggia-A Mància ·  Castìggia e Lión ·  Catalògna · .svg) Estremadûa ·  Galìçia ·  Îzoe Baleâri ·  Îzoe Canâie · .svg) La Rioja ·  Madrìd ·  Mùrçia ·  Navàrra ·  Pàixi Bàschi · .svg) Pàize Valençiàn |
| Âtri teritöi |  Ceuta ·  Melilla · Plazas de soberanía |
| Contròllo de outoritæ | VIAF (EN) 130205220 · LCCN (EN) n82047244 · GND (DE) 4069098-2 · BNF (FR) cb11933372w (data) · BNE (ES) XX4575358 (data) · WorldCat Identities (EN) n82-047244 |
|---|