mg.wikipedia.org

Goiana — Wikipedia

Sainan' i Goiana
Toerana misy an' i Goiana

I Goiana na Repoblika Kôperativan' i Goiana (anglisy: Co-Operative Republic of Guyana), Goiana Britanika taloha, dia firenena any Amerika Atsimo, , ao amin' ny tapany avaratry ilay zana-kôntinanta ary manana morontsiraka ao amin’ny Ranomasimbe Atlantika. Fanapin' izany dia izy no fanjakana tokana ao Amerika Atsimo izay manao ny fiteny anglisy ho fiteny ôfisialy. I Georgetown no renivohiny.

Misy endri-toerana isan-karazany ny ao Goiana ary ahitana faritra voajanahary maromaro: ny faritra amorontsiraka, any avaratra, izay mitohy any amin' ny faritra misy fasika fotsy; ny avaratra-andrefana, rakotra ala mikitroka; ny afovoany-andrefana, faritra be tendrombohitra izay misy mahatratra 2 875 m eo amin' ny Tendrombohitra Roraima; ary ny atsimo, ahitana lembalemba rakotra ny hivoka. Manana renirano lehibe maromaro i Goiana, anisan' izany ny Ony Essequibo.

Sarin-tanin' i Goiana

Zanatany britanika teo aloha i Goiana izay nahaleotena nanomboka tamin' ny taona 1966 (tamin' io daty io no nitondrany ny anarana hoe Goiana), saingy mbola isan' ny mpikambana ao amin' ny Commonwealth izy.

Goiana dia eo anelanelan'i Sorinama sy Venezoela eo amin'ny morontsiraka Atlantika Amerika Atsimo. Manamorona an'i Brezila any atsimo ny firenena

Ny ankamaroan' ny mponina ao Goiana dia Indianina avy any Azia, ahitana Afrikana sy Amerindiana koa ny ao. Ny fivavahana roa lehibe dia ny kristianisma (55 %) sy ny hindoisma (30 %); ahitana Mozilmana vitsy an' isa ihany koa ilay firenena (eo ho eo amin' ny 10 %). Mipetraka any ambanivohitra ny ankamaroan' ny mponina.

Manana harena an-kibon' ny tany betsaka i Goiana: ny baoksita, ny manganezy, ny volamena ary ny diamondra. Sehatr' asa lehibe ny fambolena (famokarana siramamy, vary ary kafe).

Ny tanàna lehibe indrindra dia: Georgetown 235.017 mponina, Linden 44.690 mponina, New Amsterdam 35.039 mponina ary Anna Regina 12.448 mponina.

Ny Faritra sy ny laharan’ny faritra.
No faritra Renivohitra velarantany km2 Mponina
(2012 census) 		Mponina
/km2
1 Barima-Waini Mabaruma 20,339 26,941 1.32
2 Pomeroon-Supenaam Anna Regina 6,195 46,810 7.56
3 Essequibo Islands-West Demerara Vreed en Hoop 3,755 107,416 28.61
4 Demerara-Mahaica Triumph 2,232 313,429 140.43
5 Mahaica-Berbice Fort Wellington 4,190 49,723 11.87
6 East Berbice-Corentyne New Amsterdam 36,234 109,431 3.02
7 Cuyuni-Mazaruni Bartica 47,213 20,280 0.43
8 Potaro-Siparuni Mahdia 20,051 10,190 0.51
9 Upper Takutu-Upper Essequibo Lethem 57,750 24,212 0.42
10 Upper Demerara-Berbice Linden 17,040 39,452 2.32
Total 214,999 747,884 3.48