mk.wikipedia.org

Црква „Св. Никола“ - Селци (нова) — Википедија

Од Википедија — слободната енциклопедија

Свети Никола

Поглед на црквата

македонска православна црква
Епархија Дебарско-кичевска
Архијерејско намесништво Струшко
Парохија Трета струшка
Местоположба

Карта

Координати 41°23′57.9″N 20°37′20.3″E / 41.399417°N 20.622306°E
Место Селци
Општина Струга
Држава Македонија
Општи податоци
Покровител Свети Никола
Завршено XIX век
Зограф Дичо Зограф
Архитектонски опис

Свети Никола — главна селска црква во селото Селци.[1] Сместена е на околу стотина метри западно од сретселото.

Црквата била изградена во XIX век.

Градбата на црквата има правоаголна основа со десетаголна апсида на источната страна и забележителна кромидеста купола. Главниот влез е сместен на западната страна, а спореден влез има и од јужната. Над споредниот влез има празна ниша. Објектот е изграден од варовник и е покриен со лимен кров. Куполата има осумаголна основа со по еден прозорец на секоја од страните и истата е изработена од лим.

Во дворот на црквата се наоѓа гробот на свештеникот Јон Попов (1856-1943), кој бил убиен од страна на балистите на 11 јули 1943 година.

  • Јужната страна на црквата со куполата

    Јужната страна на црквата со куполата

  • Споредниот влез на црквата

    Споредниот влез на црквата

  • Купола на црквата

    Купола на црквата

  • Гробот на свештеникот Јон Попов (1856-1943)

    Гробот на свештеникот Јон Попов (1856-1943)

  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 41. ISBN 978-608-65143-2-7.