Kåre Willoch – Wikipedia

Frå Wikipedia – det frie oppslagsverket

Kåre Willoch
Fødd	3. oktober 1928 Oslo
Død	6. desember 2021 (93 år)
Statsborgar av	Noreg
Parti	Høgre
Yrke	politikar
Institusjonar	Norges Rederiforbund Norges Industriforbund Fridtjof Nansens Institutt
Utdanna ved	Universitetet i Oslo Ullern videregående skole Kristelig Gymnasium
Alle verv	Norsk statsminister (1981–1986) stortingsrepresentant (1958–1961) Nordisk råds president (1973–1973) Norsk handelsminister (1965–1970) Norsk handelsminister (1963–1963) vararepresentant til Stortinget (1954–1957) stortingsrepresentant (1961–1965) stortingsrepresentant (1965–1969) stortingsrepresentant (1969–1973) stortingsrepresentant (1973–1977) stortingsrepresentant (1977–1981) stortingsrepresentant (1981–1985) stortingsrepresentant (1985–1989) fylkesmann i Oslo og Akershus (1989–1998) partileiar (Høgre, 1970–1974) generalsekretær (1963–1965)

Kåre Isaachsen Willoch (3. oktober 1928–6. desember 2021) var ein norsk politikar frå Oslo. Han var leiar av partiet Høgre i perioden 1970–1974 og statsminister i Noreg i perioden 1981–1986. 14. oktober 1981 danna han den fyrste reine høgreregjeringa sidan 1927. Frå 8. juni 1983 vart Senterpartiet og Kristeleg Folkeparti med i regjeringa, regjeringa vart då ei koalisjonsregjering. Regjeringa gjekk av 8. mai 1986 etter at regjeringa hadde stilt kabinettspørsmål på å auke bensinavgifta, og blitt stemt ned i Stortinget.

På 1980-talet stod Willoch i spissen for ei høgrebølgje i norsk politikk. Arbeidarpartiet gjekk attende og Høgre fekk auka oppslutnad. Willoch var i mange ordskifte med leiaren i Arbeidarpartiet, Gro Harlem Brundtland. Saman vart dei kjend som berre Gro og Kåre.

Willoch er utdanna samfunnsøkonom, og arbeidde tidlegare i Norges Rederiforbund og Norges Industriforbund.

Dei seinare åra har han engasjert seg særleg for Palestina i konflikten med Israel, og har nytta utsegner som «Riv skammens mur!». Mange Israelvener hevdar at Willoch er antisemittisk. Willoch har vorte populær mellom mange norske sosialistar i Noreg dei siste åra, med sitt engasjement for naturvern og menneskerettar.

I 1997 vann han Fritt Ords Pris for uavhengige bidrag til norsk samfunnsdebatt.

• 1953: Utdanna cand.oecon.
• 1954–1963: Tilsett i Norges Industriforbund
• 1957–1989: Stortingsrepresentant for Oslo Høgre
• 1963–1965: Generalsekretær i partiet Høgre
• 28. august 1963–25. september 1963: Statsråd og sjef for Handels- og skipsfartsdepartementet (Handelsminister) i John Lyng si regjering
• 12. oktober 1965–5. juni 1970: Statsråd og sjef for Handels- og skipsfartsdepartementet (Handelsminister) i Per Borten si regjering
• 1970–1974: Formann i Høgre
• 1970-81: Parlamentarisk leiar for Høgre si stortingsgruppe
• 14. oktober 1981–8. mai 1986: Norsk statsminister
• 1986–? : Visepresident i den Internasjonale Demokratiske Union
• 1988–? : President for Norsk-tysk selskap (Deutsch-Norwegische Gesellschaft)
• 1989–1998: Fylkesmann i Oslo og Akershus
• 1990: Leiar av Forsvarskommisjonen av 1990
• 1998–2000: Styreformann i NRK

• Willoch, Kåre: Minner og meninger, Chr. Schibsteds Forlag, Oslo 1988, ISBN 82-516-1231-4
• Willoch, Kåre: Statsminister, Chr. Schibsteds Forlag, Oslo 1990, ISBN 82-516-1350-7
• Willoch, Kåre: Tanker i tiden Cappelen , 1999 , ISBN 82-02-18596-3
• Willoch, Kåre: Myter og virkelighet, Cappelen , 2002 , ISBN 82-02-20460-7
• Willoch, Kåre: Utfordringer, Cappelen , 2004 , ISBN 82-02-23572-3

• Liste over dei lengst sitjande norske statsministrar
• Norske regjeringar
• Kåre Willoch si regjering, som avløyste Gro Harlem Brundtland si fyrste regjering. I 1986 vart Gro Harlem Brundtland si andre regjering skipa

• «Kåre Willoch». Stortinget.no.

• Kåre Willoch i Norsk biografisk leksikon