Aule Corneli Cels — Wikipèdia
Un article de Wikipèdia, l'enciclopèdia liura.
Aule Corneli Cels ((la) Aulus Cornelius Celsus) (?, sègle I)[1] èra un escrivan, un enciclopedista roman, e benlèu mètge, qu'auriá viscut en Narbonesa. Es l'autor de De artibus, òbra ont acampèt enciclopedicament las coneissença del sieu temps. Lo sieu libre siesen, De arte medica o De Medicina, es lo sol conservat totalament, se tracta de regim, de farmacia, de quirurgia e d'autres tèmes semblables. Foguèt lo primèr tèxte medical donat a l'estampariá (Florença, 1478) e aguèt una influéncia extraordinària sus la medecina dels sègles seguents. Constituís l'apòrt medical mai important —levat l'òbra de Galen– de la cultura latina.
Es supausat que las partidas perdudas d'aquela enciclopedia inclusián de volums sus l'agricultura, lo drech, la retorica e los arts marcials. De arte medica es un dels melhors registres del saber dels mètges alexandrins. Cels es tanben un dels davancièrs de l'experimentacion suls èssers umans.
- ↑ (ca)Aule Corneli Cels www.enciclopedia.cat
- De Medicina a Lacus Curtius (tèxt original en latin e traduccion en anglés)