Joan Carles I d'Espanha — Wikipèdia

Un article de Wikipèdia, l'enciclopèdia liura.

Joan Carles I Rei d'Espanha
Joan Carles I en 2013.
Naissença	5 de genièr de 1938
Paire	Joan de Borbon e Battenberg
Maire	Maria de las Mercedas de Borbon e Orleans
Consòrt(s)	Sofia de Grècia
Conjunt(s)	Sofia de Grècia
Descendéncia	Elena de Borbon Cristina de Borbon Felip VI d'Espanha
Règne
22 de noveme de 1975 ─ 18 de junh de 2014
Coronament	27 de novembre de 1975 en la glèisa Sant Jiròni lo Reial
Dinastia	Ostal de Borbon
Predecessor	Francisco Franco (dictator)
Successor	Felip VI
Residéncia(s)	Palais Real de Madrid Palais de la Zarzuela (privada, 1962-2020) Abu Dabi (dempuèi agost de 2020)
Signatura
Lista dels reis d'Espanha

Joan Carles I d'Espanha (var. Joan Charles I), de son nom complèt Joan Carles Anfós Victor Maria de Borbon e Borbon de las Doas Sicílias (en castelhan: Juan Carlos Alfonso Víctor María de Borbón y Borbón-Dos Sicilias; Roma, 5 de genièr de 1938), foguèt rei d'Espanha de 1975 a 2014.

Foguèt designat prince d'Espanha per Francisco Franco en 1969. Après la mòrt de Carrero Blanco, eiretièr designat del dictator, aquel alestiguèt la restauracion monarquica qu'arribèt après sa mort en 1975. Las institucions oficialas emplegan generalament per lo designar son nom en castelhan Juan Carlos I dins totas las lengas estrangièras en Espanha, mentre que son nom siá aisidament tradusible dins totas las lengas d'Euròpa. Aqueste nom s'es anuèit impausat pertot dins l'usatge. Ça que la, en occitan/catalan, basc e galèc, s'emplegan respectivament los noms Joan Carles I, Joan Karlos I.a e Xoán Carlos I.

Es lo filh de Joan de Borbon e de Maria de las Mercedas de Borbon e Orleans. Del costat de son paire, Anfós XIII es son grand e Victoria Eugenia de Battenberg sa grand. Del costat de sa maire, Don Carlos de Borbón-Doas Sicílias es son grand e Luisa de Orleans sa grand.

Es l'espós de la reina Sofia.

Es lo paire d'Elena de Borbon, de Cristina de Borbon, e del rei Felip VI.