oc.wikipedia.org

Joan Roqueta — Wikipèdia

Aqueste article es redigit en lengadocian.

Un article de Wikipèdia, l'enciclopèdia liura.

(Redirigit dempuèi Joan Larzac)

Joan Roqueta
Joan Larzac.jpg
PseudonimJoan Larzac
Naissença13 de febrièr de 1938, a Sèta
OcupacionCapelan, Escrivan, Critic literari

Joan Larzac (nascut Joan Roqueta, en francés Jean Rouquette; Seta, 13 de febrièr de 1938[1]) es un capelan[2], escrivan en occitan lengadocian e critic literari en aquesta meteissa lenga.

De per sos ligam amb la profession de capelan, la granda majoritat de l'òbra de Joan Larzac es marcada per la preséncia de la fe, de la religion e de l'erudicion. Dirigiguèt pendent la primièra mitat de las annadas 70 lo sector literari de l'Institut d'Estudis Occitans. Al travèrs de sa longa carrièra d'escrivan en lenga nòstra, obtenguèt una qualques de prèmis per sas poesias.

En 1962, recebèt lo "Grand Prèmi de las Letras Occitanas" mercés a son primièr recuèlh de poemas Sola Deitas : camin de crotz que foguèt publicat un an pus tard en çò de las colleccion Messatges de l'IEO. En 1988, recebèt lo Prèmi Antigòna per l'edicion de sa primièra antologia : Òbra Poetica.

Qualques unas de sas òbras son estadas reviradas en breton.

Es lo fraire de l'escrivan e òme politic lengadocian Ives Roqueta.

  • "Sola deitas : camin de crotz" - Edi. IEO - Col. Messatges - 1963
  • "Contristòria" - Edi. IEO - Col. Messatges - 1967
  • "L'estrangier del dedins" - Edi. 4 vertat - 1968
  • "Breiz atao" - Edi. IEO - Col. Messatges - 1969
  • "La boca a la paraula, que pòt plan dire que ja non siague d'ela" - Edi. IEO - Col. Messatges - 1971
  • "L'étranger du dedans et autres poèmes politiques" - Edi. P-J Oswald - Col. Poésie d'òc - 1972
  • "Òbra poëtica" - Edi. IEO - Antologia poetica - 1986
  • "Dotze taulas per Nòstra Dòna" - Auto edicion de l'autor - 1990
  • "Ai tres òmes a taula, a miègjorn" - Edi. Letras d'òc - 2007
  • "Se rauqueja ma votz" - Edi. Letras d'òc - 2019
  • "L'an que ven d'onte ven" - Edi. IEO E...rau - 2021
  • "La musica occitana" - Edi. IEO - 1970
  • "Anthologie de la poésie religieuse occitane" - Edi. Privat - 1972
  • "Per una lectura politica de la bíblia" - Edi. IEO - Col. A tots - 1973
  • "Descolonisar l'istòria occitana T.II - L’enemic dins la clòsca" - Edi. IEO - Col. A tots - 1977
  • "Descolonisar l'istòria occitana T.I - Redusières de caps" - Edi. IEO - Col. A tots - 1980
  • "La littérature d'oc, Que sais-je ?" - Edi. PUF - Col. Que sais-je ? - 1980
  • "Istòria de l'art occitan" - Edi. IEO - 1989
  • "La bíblia del dimenge e de las fèstas" - Edi. CIDO - 1997
  • "Sant Peire de l'Arma, la dança macabra" - Edi. Chambra d'Òc - Col. Viure lo país - 2005
  • "Francés d'Assisi" - Edi. IEO - Col. A tots - 1978
  • "La Bíblia - Ancian Testament" -Edi. Letras d'òc - 2013
  • "La Bíblia - Novèl Testament" - Edi. Letras d'òc - 2016
  1. ↑ Sit de l'Ostal Sirventés
  2. ↑ Referéncia a sa posicion de curat de Sant Martin del Vinhagolh dins una publicacion de l'avescat de Montpelhièr