Placa arabica — Wikipèdia
Un article de Wikipèdia, l'enciclopèdia liura.
La placa arabica es una placa tectonica de la litosfèra de la planeta Tèrra. Sa superfícia es de 0,12082 estereoradians.
La placa arabica es un trencadís de la placa africana. Èra partida de la placa africana pendent una granda partida del Fanerozoïc (-542 milions d'ans d'ara) fins a l'Eocèn (-56 a -34 milions d'ans), date quand lo rift de la mar Roja se formèt e creèt la quita mar e lo golf d'Adèn.
La placa arabica se desplaça cap al nòrd èst a una velocitat de 4,65 centimètres per an, o encara a una velocitat de rotacion de 1,1616° per milion d'ans segon un pòl eulerian situat à 59°66' de latitud nòrd e 33°19' de longitud oèst (referencial: placa pacifica).
La placa arabica compren subretot de rusca continentala:
- la totalitat de la peninsule Arabica e de la Mesopotamia e lo sud èst d'Anatolia;
- l'èst de la mar Roja, e tanben lo blot Danakil associat al continent african.
- La rusca oceanica compren lo nòrd del golf d'Adèn, lo nòrd oèst de la mar d'Arabia e una partida del golf Persic.
La placa arabica es en majoritat en contacte amb de placas continentalas, al respècte de que se desplaça de biais màger cap al Nòrd Nòrd Èst.
- Al sud oèst, lo contacte amb la placa africana es subretot format de la dorsala de la mar Roja.
- Lo contacte a l'oèst se perlonga per la falha del Levant, tornan pujar cap al nòrd.
- La placa èst al nòrd oèst en contacte continental convergent amb la placa anatoliana dins la region de l'Anatolia del sud èst, que marca lo tèrme entre la plana d’Iraq e de Siria, e los Monts Taurus orientals, que fan partit de l'Orogenesi alpina.
- Es en contacte continental convergent amb la placa eurasiatica, que constituís lo tèrme entre la plana de Mesopotamia e lo Golf Persic, e los monts Zagros que fan partit de l'Orogenesi alpina.
- Es en contacte per de falhas transformantas o de convergéncias oceanicas amb la placa indiana.
- Al sud, la placa arabica es en contacte amb la placa somaliena, per una dorsala oceanica subretot divergenta.
- (en) Peter Bird, An updated digital model of plate boundaries, Geochemistry Geophysics Geosystems, 2003 PDF
- (en) The Physics factbook - Velocitat de las placas tectonicas
