The Bottom - Wikipedia, e ensiklopedia liber
Di Wikipedia, e ensiklopedia liber
The Bottom (originalmente Botte na hulandes) ta kapital i lugá mas grandi di Saba, isla hulandes den Laman Karibe.[1] E ta situá na pia di e volkan Mount Scenery, na un altura di aproksimadamente 200 meter riba nivel di laman. Na 2017 e tabatin 685 habitante di un total di 2.010 isleño.[2]
The Bottom ta sede di e ofisinanan di gobièrnu, un hospital, kas di kuido, vèlt deportivo, tres misa, un biblioteka, varios tienda, museo Major Osmar R. Simmons i Saba University School of Medicine, unda alrededor di 200 studiante merikano ta studia medisina.[1]
E luga a wòrdu fundá na 1632 pa kolonistanan di e provinsia hulandes di Zeeland. Nan a dun'é e nòmber "Botte", un palabra hulandes antiguo ku ta nifika kònchi. E nòmber ta referí na su situashon den un vaye relativamente plat rondoná pa barankanan altu. E promé kantidat di kolonistanan di Zeeland, di un banda, i di e esklabonan afrikano di otro banda, a wòrdu surpasá masha lihé dor di e marinero i piratanan di Irlanda i Eskosia. Ku esei e isla a bira anglofóniko (idioma ingles) i e nòmber "Botte" a konvertí den "The Bottom".
-
The Bottom na 1947
-
Bestuurskantoor di Saba
-
-
.jpg)
- (en) The Bottom – Saba. In: Saba Guide – Information about the Dutch Caribbean Island. (ingles).
- (en) About Saba – Saban Villages, Saba Tourism Bureau
- E artíkulo aki òf un vershon anterior di dje ta un tradukshon di e artíkulo The Bottom riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.
- ↑ 1.0 1.1 The villages of Saba (Saba Tourist Bureau)
- ↑ (nl) Table 4: Population of Saba by country of birth, by neighbourhood, 1 di yanüari 2017 - Saba St Eustatius figures by neighbourhood 2017 (Microsoft Excel; 89 kB). Centraal Bureau voor de Statistiek (CBS) (1 aprel 2019). Konsultá dia 27 sèptèmber 2023.