Belgi - Wikipedia an piemontèis, l'enciclopedìa lìbera e a gràtis

Ël Belgi (België an neerlandèis, Belgique an fransèis, Belgien an alman) a l'é un pais dl'Euròpa ossidental.

A confin-a con Fransa, Pais Bass, Gërmania e Lussemborgh.
La capital a l'é Brussel.
A l'ha na surfassa ëd 30.510 km² e a conta anviron 10.300.000 abitant.

A l'é mèmber dl'Union Europenga.

Dal 1815 (Congress ëd Vien-a) al 1830 ël Belgi a l'ha fàit part dël regn dij Pais Bass.
Lë stat indipendent belgi a l'é stàit creà dël 1830.

Ël Belgi (nòm ofissial: Royaume de Belgique / Koninkrijk België / Königreich Belgien) a l'é na monarchìa constitussional.
Ël re a l'é Filip (dai 21 ëd luj 2013).
Ël Prim Ministr a l'é Bart De Wever , (dal 3 ëd fërvé dël 2025).

Dal 1^m ëd gené dël 2002 ël Belgi a deuvra l'Euro.
Për savèjne ëd pi, ch'a varda soa vos.