ᱛᱩᱨᱠᱢᱤᱱᱤᱥᱛᱟᱱ ᱟᱨᱵᱟᱝ ᱛᱩᱨᱠᱢᱮᱱᱤᱭᱟ ᱫᱚ ᱠᱚᱧᱮ-ᱛᱟᱞᱢᱟ ᱮᱥᱤᱭᱟ ᱨᱮᱱᱟᱜ ᱢᱤᱫ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱤᱢᱟᱹ ᱫᱷᱟᱨᱮ ᱨᱮ ᱟᱯᱷᱜᱟᱱᱤᱥᱛᱟᱱ, ᱤᱨᱟᱱ, ᱠᱟᱡᱟᱠᱥᱛᱟᱱ, ᱩᱡᱽᱵᱮᱠᱤᱥᱛᱟᱱ ᱮᱢᱟᱱ ᱫᱤᱥᱚᱢ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱟᱥᱜᱷᱟᱵᱟᱰᱽ ᱥᱟᱶᱛᱮ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ^[᱔] ᱾ ᱱᱚᱶᱟ ᱫᱤᱥᱚᱢ ᱨᱤᱱ ᱦᱚᱲᱞᱮᱠᱷᱟ ᱫᱚ ᱕ᱹ᱖ ᱢᱤᱞᱤᱭᱚᱱ ᱜᱟᱱ ᱠᱚ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱛᱟᱞᱢᱟ ᱮᱥᱤᱭᱟᱱ ᱫᱤᱥᱚᱢ ᱢᱩᱸᱫᱽ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱦᱚᱲ ᱢᱮᱱᱟᱜ ᱠᱚᱣᱟ ᱾

ᱛᱩᱨᱠᱢᱮᱱᱤᱥᱛᱟᱱ ᱨᱮᱱᱟᱜ ᱨᱟᱡᱽ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱛᱩᱨᱠᱢᱮᱱ ᱾ ᱱᱚᱸᱰᱮ ᱛᱩᱨᱠᱢᱮᱱᱤᱭᱟᱱᱥ ᱦᱚᱲ ᱜᱮ ᱵᱟᱹᱲᱛᱤ ᱢᱮᱱᱟᱜ ᱠᱚᱣᱟ ᱾ ᱯᱟᱹᱦᱤᱞ ᱫᱚ ᱱᱚᱶᱟ ᱫᱤᱥᱚᱢ ᱥᱚᱵᱷᱤᱭᱮᱛ ᱥᱟᱶᱛᱟ ᱟᱹᱯᱱᱟᱹᱛ ᱛᱩᱨᱠᱢᱮᱱᱤᱥᱛᱟᱱ ᱢᱮᱱᱛᱮ ᱟᱨ ᱡᱩᱢᱤᱫᱽ ᱥᱚᱵᱷᱤᱭᱮᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱑᱙᱙᱑ ᱥᱟᱞᱮ ᱨᱮ ᱯᱷᱩᱨᱜᱟᱹᱞ ᱫᱤᱥᱚᱢ ᱢᱮᱱᱛᱮ ᱵᱤᱠᱱᱟᱹᱣ ᱞᱮᱱ ᱛᱟᱦᱮᱸᱫ ᱟᱨ ᱑᱙᱙᱒ ᱥᱟᱞᱮ ᱨᱮ ᱢᱤᱫ ᱱᱟᱣᱟ ᱥᱚᱢᱵᱤᱫᱷᱟᱱ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾

ᱛᱩᱨᱠᱢᱮᱱᱤᱥᱛᱟᱱ ᱫᱚ ᱡᱮᱜᱮᱛ ᱨᱮᱱᱟᱜ ᱕᱒ ᱟᱱᱟᱜ ᱢᱟᱨᱟᱝ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱫᱚ ᱥᱯᱮᱱ ᱠᱷᱚᱱ ᱱᱟᱥᱮ ᱦᱩᱰᱤᱧᱟ ᱟᱨ ᱠᱟᱞᱤᱯᱷᱚᱨᱱᱤᱭᱟ ᱠᱷᱚᱱ ᱱᱟᱥᱮ ᱢᱟᱨᱟᱝᱟ ᱾ ᱫᱤᱥᱚᱢ ᱨᱮᱱᱟᱜ ᱘᱐% ᱫᱚ ᱠᱟᱨᱟᱠᱩᱢ ᱜᱤᱛᱤᱞ ᱚᱛ (Desert) ᱛᱮ ᱮᱥᱮᱫ ᱟᱠᱟᱱᱟ ᱾

ᱛᱩᱨᱠᱢᱮᱱ ᱨᱮᱱᱟᱜ ᱑,᱗᱖᱘ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱰᱷᱤᱯ ᱫᱚ ᱠᱟᱥᱢᱯᱤᱭᱟᱱ ᱥᱟᱹᱢᱩᱸᱫᱽ ᱨᱮ ᱵᱷᱤᱲᱟᱹᱣ ᱟᱠᱟᱱᱟ ᱾ ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ ᱫᱚ ᱜᱚᱴᱟᱯᱟᱲᱟ ᱨᱚᱦᱚᱲ ᱚᱛ ᱛᱮ ᱜᱷᱮᱨᱟᱣ ᱟᱹᱪᱩᱨ ᱟᱠᱟᱱᱟ, ᱡᱟᱦᱟᱸ ᱠᱷᱟᱛᱤᱨ ᱫᱚ ᱮᱴᱟᱜ ᱫᱚᱨᱭᱟ ᱥᱟᱶ ᱢᱮᱞ ᱜᱮ ᱵᱮᱹᱱᱩᱜᱼᱟ ᱾

ᱱᱚᱸᱰᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱟᱥᱜᱟᱵᱟᱫᱽ, ᱛᱩᱨᱠᱢᱮᱱᱵᱟᱥᱤ ᱟᱨ ᱰᱟᱥᱚᱜᱩᱡᱽ ᱮᱢᱟᱱ ᱠᱚ ᱾

ᱛᱩᱨᱠᱢᱮᱱ ᱨᱮᱱᱟᱜ ᱨᱟᱡᱽ ᱟᱹᱨᱤ ᱫᱚ ᱯᱟᱨᱥᱮᱛᱤᱭᱟᱹ ᱟᱹᱯᱱᱟᱹᱛ ᱞᱮᱠᱟᱱᱟᱜ ᱠᱟᱱᱟ ᱾ ᱯᱟᱨᱥᱮᱛ ᱜᱮ ᱫᱤᱥᱚᱢ ᱥᱚᱨᱠᱟᱨ ᱨᱤᱱᱤᱡ ᱢᱩᱬ ᱦᱚᱲ ᱠᱟᱱᱟᱭ ᱟᱨ ᱩᱱᱤ ᱫᱟᱨᱟᱭ ᱛᱮᱜᱮ ᱫᱤᱥᱚᱢ ᱨᱮᱱᱟᱜ ᱠᱟᱹᱢᱤ ᱫᱚ ᱛᱚᱨᱟᱣᱜᱼᱟ ᱾ ᱚᱸᱰᱮ ᱱᱤᱛ ᱫᱚ ᱢᱤᱫᱴᱟᱝ ᱜᱮ ᱨᱟᱡᱽᱟᱹᱨᱤ ᱫᱚᱞ ᱢᱮᱱᱟᱭᱟ, ᱢᱮᱱᱠᱷᱟᱱ ᱱᱮᱦᱟᱹᱞᱤ ᱥᱚᱨᱠᱟᱨ ᱥᱟᱝᱜᱮ ᱫᱚᱞ ᱨᱟᱡᱽᱟᱹᱨᱤ ᱵᱮᱵᱚᱥᱛᱟᱭ ᱵᱮᱱᱟᱣ ᱢᱮᱱᱛᱮ ᱠᱟᱹᱢᱤ ᱥᱟᱵ ᱟᱠᱟᱫᱼᱟ ᱾ ᱜᱩᱨᱵᱚᱝᱥ ᱵᱮᱨᱰᱤᱢᱩᱦᱟᱢᱮᱰᱚᱵᱽ ᱫᱚ ᱒᱐᱐᱗ ᱥᱟᱞᱮ ᱨᱮ ᱯᱟᱨᱥᱮᱛ ᱞᱮᱠᱟᱛᱮ ᱵᱟᱪᱷᱱᱟᱣ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱵᱟᱪᱷᱱᱟᱣ ᱫᱚ ᱵᱤᱫᱮᱥᱤ ᱠᱚᱣᱟᱜ ᱧᱮᱞᱥᱟᱨ ᱛᱮ ᱡᱮᱢᱚᱱ ᱮᱲᱮ ᱜᱮ ᱾ ᱛᱩᱨᱠᱢᱮᱱᱤᱥᱛᱟᱱ ᱫᱚ ᱡᱮᱜᱮᱛ ᱨᱮᱱᱟᱜ ᱢᱤᱫᱴᱟᱹᱝ ᱩᱛᱟᱹᱨ ᱫᱤᱥᱚᱢ ᱠᱟᱱᱟ ᱡᱟᱦᱟᱸᱨᱮ ᱑᱙᱙᱑ ᱥᱟᱞᱮ ᱠᱷᱚᱱ ᱜᱮᱥ, ᱵᱤᱡᱽᱞᱤ ᱟᱨ ᱫᱟᱜ ᱨᱮᱱᱟᱜ ᱥᱩᱵᱤᱫᱷᱟ ᱫᱚ ᱵᱤᱱ ᱠᱟᱹᱣᱰᱤ ᱛᱮ ᱠᱚ ᱧᱟᱢ ᱮᱫᱟ ᱾

ᱛᱩᱨᱠᱢᱮᱱ ᱯᱟᱹᱨᱥᱤ ᱟᱨ ᱨᱩᱥᱤᱭᱟᱱ ᱯᱟᱹᱨᱥᱤ ᱫᱚ ᱱᱚᱸᱰᱮᱱᱟᱜ ᱚᱯᱷᱤᱥᱤᱭᱟᱞ ᱯᱟᱹᱨᱥᱤ ᱠᱟᱱᱟ ᱾ ᱘᱐% ᱦᱚᱲ ᱫᱚ ᱛᱩᱨᱠᱢᱮᱱ ᱯᱟᱹᱨᱥᱤ ᱛᱮ ᱠᱚ ᱨᱚᱲ ᱠᱟᱱᱟ ᱟᱨ ᱘% ᱦᱚᱲ ᱫᱚ ᱨᱩᱥᱤᱭᱟᱱ ᱯᱟᱹᱨᱥᱤ ᱾ ᱚᱱᱟ ᱯᱟᱹᱨᱥᱤᱠᱤᱱ ᱵᱮᱜᱚᱨ ᱨᱚᱲᱠᱟᱱ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱟᱞᱩᱪᱤ ᱯᱟᱹᱨᱥᱤ ᱟᱨ ᱩᱡᱽᱵᱮᱠ ᱯᱟᱹᱨᱥᱤ ᱾

↑ Turkmenistan's Constitution of 2008. constituteproject.org
↑ Государственный комитет Туркменистана по статистике : Информация о Туркменистане : О Туркменистане Archived ᱗ ᱡᱟᱱᱩᱣᱟᱨᱤ ᱒᱐᱑᱒ at the Wayback Machine. : Туркменистан — одна из пяти стран Центральной Азии, вторая среди них по площади (491,21 тысяч км2), расположен в юго-западной части региона в зоне пустынь, севернее хребта Копетдаг Туркмено-Хорасанской горной системы, между Каспийским морем на западе и рекой Амударья на востоке.
↑ ^᱓.᱐ ^᱓.᱑ ^᱓.᱒ ^᱓.᱓ "Turkmenistan". International Monetary Fund. Retrieved 2 June 2016.
↑ "Turkmenistan". Central Intelligence Agency - The World Factbook. Retrieved 2009-09-04.^{[permanent dead link]}

ᱥᱚᱨᱠᱟᱨ

ᱮᱴᱟᱜᱟᱜ ᱠᱚ

"Chronicles of Turkmenistan". Publication of Turkmen Initiative for Human Rights. Archived ᱒᱐᱑᱕-᱑᱐-᱓᱑ at the Wayback Machine.
Official photo gallery from Turkmenistan and Ashgabat
daily news and analysis in Turkish English and Turkmen Archived ᱒᱐᱑᱕-᱑᱑-᱐᱓ at the Wayback Machine.