wa.wiktionary.org

boûsse — Wiccionaire

Èn årtike di Wiccionaire.

Tayon-bodje latén « bursa » (cur).

singulî pluriyal
boûsse boûsses

boûsse femrin

  1. taxhe avou des coirdeles, k' on meteut ses cwårs (u ôte tchoi) divins.
    • Cwand leus efants vont fé leus påkes,
      Li ptite mamjhele djamåy ni manke
      Do drovi si boûsse po såver
      Les cis k' sont dvins l' målmezåjhe. — Joseph Vrindts, « Pâhûles rîmês » (1897), "Li vile mam'selle", p.22 (fråze rifondowe).
    • Li pus råle di l' istwere, c' est ki dji m' ritrouve avou vint-cénk patacons d' moens e m' boûsse — Albert Maquet (fråze rifondowe).
    • Les bråves djins k' egayolnut leus feyes dins l' boûsse des vîs k' els ont. — Willy Félix (fråze rifondowe).
  2. çou k' gn a ladvins cisse taxhe la.
    • Dj' a prins m' boûsse di mas, et dj' a peté evoye, e corant d' tos mes pus rade — Firmin Callaert (fråze rifondowe).
  3. (pa stindaedje) poite-manoye, poite-foyes.
    • Tchaeconk vicotéve sorlon s’ boûsse,
      Nolu n’ meteut des hihåhås
      Po fé l’ djin comifåt
      Et pinser d’ aveur pixhî l’ Mouze. — Joseph Vrindts, ”Vîx Lîge” (1901), p.89, “Vîx Souv’nir” (fråze rifondowe).
  4. (antomeye) no d' sacwants organes ki rshonnèt a on saetch.
  5. institucion la k' on vind des pårts di societé d' comiece, des obligåcions, des waerants, evnd.
  1. tini l' boûsse : dins on manaedje, ene kiminålté, s' ocuper des çanses.
    F. "responsable financier, proviseur".
  2. mete e boûsse : mete tchaeke ene pîce dins ene boûse po-z atchter åk eshonne
    F. "se cotiser ".
  3. lodjî l' diåle e s' boûsse : esse foirt pôve.
  4. plate boûsse et dorêye cingue ni vont måy eshonne : i n' si fåt nén moussî come on milôr cwand on n' a pont d' brokes.
  5. hapeu d' boûsse u : côpeu d' boûsse : voleu.
    • On cmince a haper èn oû, pu on hape ene tchîtcheye divènrè rade on grand hapeu d' boûsses.
    F. "voleur, détrousseur".
  6. s' etinde come deus côpeus d' boûsse : si bén etinde.
    On dit eto : come deus lives e l' avoenne.
    F. "s'entendre comme larrons en foire".
    esse a s' boûsse : bouter po s' prôpe conte.
    Loukîz a : indepindant.
    F. "à son compte, comme indépendant".
  7. boûsses : pea ki contént les tiesticures.
    F. "bourses".
  8. boûsse di Fabricius : organe di disfinse do coir des oujheas, metowe ådvins do cropion.
    F. "Bourse de Fabricius".

boûsse-di-bierdjî

Lijhoz l’ årtike boûsse (discramiaedje) so Wikipedia