wa.wiktionary.org

mwin — Wiccionaire

Èn årtike di Wiccionaire.

Tayon-bodje latén « manus » (minme sinse), (sorwalonde avou diftongaedje del piceure «pwinmwin»).

Ricepeures : nén rcepåve

droete et gåtche mwin
singulî pluriyal
mwin mwins

mwin femrin

  1. (antomeye) dibout do bresse d' ene djin, après l' pougnet, ki comprind li påme et les cénk doets.
  2. (antomeye des biesses) (sincieuzmint) dibout del pate di dvant des biesses ås tetes, ådzo do djno.
  3. (imådjreçmint) veyowe come li pouxhance, li foice d' ene sacwè.
    • Awè, dji l' a leyî peri,
      Ci trezôr ki Diu nos confeye,
      Et dispoy ci djoû la, pus d' cint feyes,
      Li mwin do måleur m' a ferou. — Joseph Vrindts, « Pâhûles rîmês » (1897), "Rigrets", p.53 (fråze rifondowe).
  1. a mwin
  2. a mwins
  3. aveur li mwin
  4. aveur li mwin a tot
  5. bate des mwins
  6. braire avou s’ tûtûte e s’ mwin
  7. caker des mwins
  8. dimander l' mwin : dimander e mariaedje
    • Mètans-n’ à tauve èchone,
      Achidoz-vos d’lé mi,
      Choûtoz ça come i tone,
      Vos-èstoz mia vêci.
      Poqwè tron.ner come ça ?
      Vos p’loz yèsse sûr qui d’mwin,
      Dj’îrè uker vosse pa,
      Po lî d’mander vosse mwin.       — Chantal Denis.
  9. clatchî des mwins
  10. dizo l’ mwin
  11. djonde les mwins
  12. fé mwin basse
  13. î mete li mwin
  14. les mwins djondowes
  15. lever l' mwin
  16. mete divins les mwins di.
    • Awè m’ neveuse … I sont del minme coûsse. Li pôve ôrfulinne aveut metou tot si avni divins les mwins do djonnea. — Joseph Mignolet, « Li tchèsturlinne dèl Bèle Rotche, 1922, p.17 (fråze rifondowe).
  17. mwin dvins l’ mwin
  18. padzo mwin
  19. magnîz vosse mwin, vos ndè wådroz ene po dmwin
  20. prinde si coraedje a deus mwins, riprinde si coraedje a deus mwins
  21. våt mî èn oujhea el mwin ki deus sol håye

dibout do bresse d' ene djin, après l' pougnet

Lijhoz l’ årtike mwin so Wikipedia