鎂（粵拼：mei5，英文：Magnesium）係一隻元素，原子序號12，原子量24.3050(6)。鎂符號係Mg，來自Magnesium，係地球第八多嘅元素，地殼有2%重量都係鎂來，溶得落海水嘅元素之中，佢排第三。鎂係細胞必要元素。鎂係鹼土金屬，不過自然界裏面冇金屬形態出現嘅鎂，全部都係鎂嘅化合物或者離子。鎂金屬可以由鎂鹽提煉出來。鎂金屬主係係用來整鎂鋁合金。

1808年，英國化學家戴維（H.Davy）用熔融電解法首先整咗金屬鎂出來。1828年法國科學家比西用金屬鉀還原熔融嘅無水氯化鎂得到純鎂。

來自希臘話，指嘅係一種礦石苦土（即係氧化鎂）。

已發現鎂嘅同位素共有13種，包括鎂20至鎂32，其中得鎂24、鎂25、鎂26係穩定嘅，其他鎂嘅同位素都帶有放射性。

由於鎂比鋁輕，因此可以作為合金響航空、太空上使用。另外利用鎂易於氧化嘅性質，可用來製造好多純金屬嘅還原劑。亦可用響閃光燈、吸氣器、煙花、照明彈等。

由18世紀初開始，苦滷（MgCl₂）同瀉鹽（MgSO₄·7H₂O）就已經用來做藥品。

由於中文「鎂」字有「金」同「美」兩個部件，所以有人借用來表示美金，成為網絡俚語。