魚珠站 - 維基百科，自由嘅百科全書

魚珠 YUZHU
魚珠站（5號綫）嘅站名
概覽
冧巴	521 1301
位置	黃埔區蠏山魚茅路中間（黃埔大道東同中山大道東、蠏山路之間嘅三角地帶入面）
座標	23°06′01.44″N 113°25′55.90″E / 23.1004000°N 113.4321944°E
車站色	5號綫：　 13號綫：　+　焗漆柱
經過路線	5 13
啟站	5號綫：2009年12月28號 13號綫：2017年12月28號
月台數	3
站口數	4
營運資訊
車站服務時間	06:07～23:59
列車服務時間	06:02～00:04
廣州地鐵13號綫 新沙　◄裕豐圍 （2.7km）
廣州地鐵5號綫 滘口　◄三溪 （1.8km） （1.5km）大沙地►　黃埔新港

魚珠站（粵拼：jyu4 zyu1 zaam6；英文：Yuzhu Station），規劃嗰時嗌過茅崗站（maau4 gong1 zaam6；Maogang Station），係廣州地鐵5號綫同13號綫嘅轉車站，位置喺黃埔區魚茅路中間（黃埔大道東同中山大道東、蠏山路之間嘅三角地帶入面，茅崗立交南邊冇幾遠嘅位）。不過兩個月台嘅開放時間都唔同，其中5號綫喺2009年12月28號開放，而13號綫喺2017年12月28號開放。

佢亦係廣州地鐵系統入面，站內其一有兩個廁所嘅車站。

呢個站一共有3層樓嘅地下區域，其中地下1樓係站廳，有票務設施，客務中心同商鋪；地下2樓係13號綫嘅月台；地下3樓係5號綫嘅月台。雖然站內冇休息室，但有兩個廁所，其中一間喺C出入口嘅地面範圍（免費區），另一間喺13號綫嘅月台範圍南邊（收費區）。而母嬰室喺13號綫月台嘅中間位。

地下 一樓	站廳	站廳、售票機、客服中心
地下 二樓	側式月台，開右邊門
4月台	13號綫 終點月台
3月台	13號綫 列車去裕豐圍站（行新沙嗰邊） →
側式月台，開右邊門
地下 三樓	2月台	← 5號綫列車去三溪站（行滘口嗰邊）
島式月台，開左邊門
1月台	5號綫列車去大沙地站（行黃埔新港嗰邊） →

魚珠站嘅收費區喺站廳嘅東西兩邊，俾免費區隔開咗兼唔相連，商舖同自助服務都喺嗮車站嘅D出入口附近，收費區有好多部扶手電梯同樓梯、專用𨋢往返月台都得。

呢個站有1個島式月台，喺魚茅路中間路段嚿地皮入面。

另外，喺13號綫月台北邊有條交叉渡綫響度，專門畀13號綫冚唪唥列車到咗呢個站之後喺渡綫返轉頭。

而家嘅魚珠站入面有整咗唔同類嘅鋪頭畀乘客買嘢，有便利檔同羊城通客服中心。

另外，魚珠站入面重有好多自助服務設施畀乘客用，包括咗自動櫃員機同自動販賣機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

魚珠站冚唪唥嘅出入口
A出入口  B出入口  C出入口  D出入口

呢個站有4個出入口，分別係A、B同C，D。

冧巴	標記	方位	去到邊度
13號綫站廳
出入口A	魚茅路	東南	黃埔大道東、魚珠碼頭巴士總站、魚茅路巴士站、魚珠巴士總站
出入口B	魚茅路	西南	黃埔大道東
5號綫站廳
出入口C	魚茅路	西北	魚茅路、中山大道東、黃埔大道東、蠏山路、東風日產黃埔專營店、茅崗立交橋、魚珠地鐵站巴士總站
出入口D	魚茅路	東北	魚茅路、中山大道東、黃埔大道東、茅崗立交橋、魚珠地鐵巴士站
註： 有盲人引導徑 | 有斜道 | 有輪椅升降臺

配線圖
例 █ 5號綫 ▲　大沙地站 茅崗支涌 東圃涌 ▼　三溪站

配線圖
例 █ 13號綫 ▲　裕豐圍站 魚珠車輛段 ▼　終點

行去邊頭	頭班車	尾班車
每日
5號綫
去滘口站	06:05	23:00
去黃埔新港站	06:10	23:47
去文沖站	06:10	00:15
13號綫
去新沙站	06:15	22:50
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

呢個站係最先喺1997年嘅《廣州市城市快速軌道交通線網規劃研究（最終報告）》入面出現咗，嗰時嘅3號綫（唔係而家嘅3號綫）就搞咗呢個嗌「茅崗站」嘅車站出嚟^[1]，位置就喺而家呢度，不過喺2003年嘅方案入面嘅路線就變咗而家嘅5號綫，不過車站就冇變到，重係話搞返呢個站出嚟，重將嗰時喺茅崗立交以東路段嘅14號綫（唔係而家嘅14號綫）換轉個位，原先行大沙地路段嘅路線改成5號綫一部分，而14號綫改成喺呢個站轉車。不過2009年，嗰時14號綫轉成穗莞深城際鐵路（而家係穗莞深城際軌道交通）廣州段連接工程嘅一部分，但結果唔批，直到2012年7月11號通過嘅《廣州市新一輪城市軌道交通建設規劃（2012~2016）》方案先至轉成13號綫嘅一部分。

由於2012年嗰時份地鐵方案凈話13號綫西邊總站去到呢個站為止，但2015年尾，地鐵方吸取咗6號綫單規劃失誤嘅教訓之後，考慮到13號綫開通之後有一大堆客流會逼爆呢個站而提出將一期工程延長到天河公園站，不過上級唔批，直到2017年連同二期方案一齊批埋。

呢個站到咗2006年中先至正式開始喐手起，工程一直到2009年6月28號先至起好。

工地樣
2017年10月13號，車站嘅13號綫範圍重喺度起緊，出入口個樣已經見到。喺同年12月初調試期間凈限車站啲施工人員、保安仔、廣州地鐵公司職員同記者要向守住門口嘅物管畀相關證件登記先至畀入。 喺2017年12月19號朝早嘅試搭活動，有記者入過去13號綫範圍搭地鐵到南海神廟站。 喺5號綫月台東邊近3號月台幕門位，曾經喺2017年11月9號到2017年12月8號間試過圍蔽搞轉乘13號綫嘅通道大改造。家下已經重新開返。 舊時地下二樓嘅緩衝樓。從2009年12月28號開始一直到2017年12月8號為止，係望唔到同13號綫有關嘅月台結構。

2013年底，車站嘅地下2樓嘅預留部分正式開工，初期預留成4卡L車廂嘅側式月台結構，但由於13號綫開通時確定咗用8A車廂，令月台從4L改8A結構，但側式月台結構冇變到。

2017年12月8號，原先喺地下2樓施緊工嘅圍蔽地方逐漸拆走圍蔽，13號綫個月台樣逐漸出現。同時站廳個樣亦變大咗。

2017年12月19號朝早，13號綫首通段嘅市民試搭活動正式喺呢個站出發，一直去到南海神廟站為止。而新聞發佈會亦喺呢個站同南海神廟站入面搞^[2][3]。

2017年12月24號，13號綫站廳範圍正式開搞轉乘客流演練嚟應付喺就快開通嘅13號綫到終點之後，一大堆客流到呢個站而逼爆5號綫月台嘅局面。

• 2009年12月28號：由於5號綫全綫通車，呢個站亦正式開放。期間凈開咗地下三樓部份，而地下二樓一直俾棟牆或塑膠板圍蔽住。
• 2017年12月28號：由於13號綫一期全綫通車，呢個站嘅地下二樓區域亦正式開放，令呢個站成為轉車站。

廁所

呢個站喺初期施工嗰時揀咗魚珠近蠏山嚿地皮起，期間發現咗個爛茸茸兼超邋遢嘅廁所，於是喺地鐵施工時順手幫間廁所搞咗重搞大修工程，直到5號綫開通之後，喺車站隔籬嘅公共廁所亦重新翻修過兼納入地鐵系統範圍。而另一間廁所喺起緊13號綫時順手起埋出嚟。

出入口

呢個站初期開通時凈得C同D呢兩個出入口，後嚟直到2017年12月28號開通13號綫時，A同B出入口連同開通埋。

報站廣播方面，喺2009年12月28號中午開通5號綫嗰時，唔理係去滘口定文沖嗰邊，啲車下一站到呢個站嘅廣播都係女聲版一直持續咗差唔多8年，喺2017年12月14號，雖然車廂廣播一直冇變，但月台同站廳多咗13號綫一期即將開通嘅廣播指引。直到2017年12月28號，原先車廂廣播已經改成男聲嘅報站兼加咗轉乘13號綫嘅指引。

魚珠站附近都係啲大型工廠同魚木新村、沙井新村、蠏山呢啲住宅小區或城中村地方。除咗上落班高峰時期比較多人上落之外，其它時間都好少人上落。但自從2017年12月28號嘅13號綫開通之後，呢個站成為13號綫唯一到市區嘅轉車站而客流多咗好多。

日班車：

魚珠碼頭站：

43、261

魚珠總站：

普通巴士：

329、339

BRT：

B28、B31

魚珠地鐵站：

431

呢個站係廣州地鐵13號綫一期通車路線嘅其一帶唔同柱上裝飾嘅車站。佢嘅柱上裝飾係光脫脫嘅樹。呢啲裝飾凈喺13號綫範圍出現，5號綫冇呢樣嘢玩。

呢個站嘅轉車結構屬十字轉車。其中：

• 13→5：

  列車最中間嘅車廂：到站開門之後，直接行樓梯或扶手電梯落1層樓即到。

  列車兩邊車廂：坐𨋢落1層樓即到。

• 5→13：喺列車最最頭或最尾嘅車廂到站開門之後，直接行樓梯或扶手𨋢上去1層樓即到。

  列車最中間嘅車廂：坐𨋢上1層樓即到。其中西邊部𨋢行新沙嗰邊，東邊部𨋢係尾站月台。

  列車兩邊車廂：到站開門之後，直接行樓梯或扶手電梯上1層樓即到，嗰度直接望到13號綫月台。

另外，喺呢個站嘅5號綫範圍出入站嘅話，一定會經過13號綫月台範圍。雖然13號綫站廳範圍凈寫咗入面唔去5號綫，但落到13號綫月台範圍之後，行到月台中間位，一樣都可以搵到5號綫。